Fréttir

Sunnudaginn 19.nóvember kl.14 verður hátíðarmessa í kirkjunni.  Tilefnið er afmælisdagur kirkjunnar en hún á 66 ára vígsluafmæli á þessu ári.  Kór Akureyrarkirkju syngur ásamt Stúlknakórnum.

Klukkan 20.30 sunnudaginn 12.nóvember verður Matthíasarvaka í tali og tónum í Akureyrarkirkju.Meðal flytjenda eru Þórunn Valdimarsdóttir ævisagnaritari, Guðrún Ásmundsdóttir leikkona, söngvaskáldið Megas, Hilmar Örn Agnarsson organisti og Stúlknakór Akureyrarkirkju.

Í dag, 6.nóvember, munu fermingarbörn um allt land ganga í hús með söfnunarbauka fyrir Hjálparstarf kirkjunnar.  Að þessu sinni beinist aðstoðin til bágstaddra í Úganda.

Á sunnudaginn verður messa kl.11.  Fyrsti sunnudagur í nóvember kallast allra heilagra messa og þá er látinna sérstaklega minnst.  Einnig verður altarisganga.  Kór Akureyrarkirkju leiðir sönginn.

Í tilefni af því að ný biblíuþýðing er væntanleg í vetur verða teknir fyrir nokkrir textar og bornir saman, rætt um þýðingu þeirra og merkingu, og þeir skoðaðir í samhengi sínu og dreginn lærdómur af þeim fyrir samfélag, kirkju og einstaklinga.

Sunnudaginn 29.október nk.verður fjölskylduguðsþjónusta í kirkjunni kl.11.  Barnakórar kirkjunnar koma fram og syngja.  Prestur er sr.Sólveig Halla Kristjánsdóttir.  Súpa og brauð á eftir í Safnaðarheimili.

Síðastliðna helgi fóru 19 ungmenni úr Æskulýðsfélagi Akureyrarkirkju, ÆFAK, á Landsmót Þjóðkirkjunnar.Hópurinn fór ásamt sr.Sólveigu Höllu og Ölmu Guðnad.leiðtoga.

Í samantekt frá organista kirkjunnar, Eyþóri Inga Jónssyni, kemur fram að á tímabilinu 1.maí til 15.október voru sextíu mismunandi sálmar sungnir í sunnudagsguðsþjónustum.

Sunnudaginn 22.október verður guðsþjónusta kl.11.Félagar úr Kór Akureyrarkirkju leiða sönginn.Sóknarnefndarfólk les ritningarlestra.Prestur er sr.Guðmundur Guðmundsson, héraðsprestur Eyfirðinga, og organisti er Arnór B.

Þessa dagana er Jón Ásgeir Sigurvinsson, guðfræðingur, í starfsþjálfun í Akureyrarkirkju.  Þjálfunin gengur út á að kynnast sem flestum liðum starfsins í kirkjunni.