Fréttir

Næstkomandi föstudagskvöld verða haldnir tónleikar í Akureyrarkirkju þar sem fram koma þau Margrét Brynjarsdóttir og Gísli Jóhann Grétarsson, en þau eru búsett í Svíþjóð um þessar mundir þar sem þau stunda nám í tónlist.

Fermingarfræðslan hefst með ferð í Fermingarskóla á Vestmannsvatni.Farið er í þremur hópum og gistir hver hópur eina nótt.Þetta er í þriðja sinn sem fermingarbörnin eru boðuð að Vestmannsvatni, en reynsla okkar af þessum samverum þar er ákaflega góð.

Söng- og helgistund kl.20.30 í Akureyrarkirkju næstkomandi sunnudagskvöld, 10.ágúst.Prestur er sr.Jóna Lísa Þorsteinsdóttir.Rafn Sveinsson og Gunnar Tryggvason flytja létta trúarsöngva.

Sólin hefur skinið skært á bæjarbúa og gesti sem gleðjast yfir birtu og yl hennar.Og nú nálgast verslunarmannahelgin með mikla og fjölbreytta dagskrá fyrir unga sem aldna.

Síðustu tónleikar sumarsins í tónleikaröðinni Sumartónleikar í Akureyrarkirkju verða á sunnudaginn, 27.júlí klukkan 17.Tónlistarmenn að þessu sinni er organisti kirkjunnar, Eyþór Ingi Jónsson, sem hefur fengið til liðs við sig söngvarann Michael Jón Clarke og munu þeir félagar flytja íslensk sálmalög á óhefðbundinn hátt.

Séra Birgir Snæbjörnsson, fyrrverandi sóknarprestur í Akureyrarkirkju, lést á Fjórðungssjúkrahúsinu á Akureyri 17.júlí.  Birgir var fæddur á Akureyri 20.ágúst 1929.

Óvenjuleg tónlistardagskrá verður í boði í Akureyrarkirkju næstkomandi sunnudag, þann 20.júlí klukkan 17.Það er hljómsveitin Spilmenn Ríkínís sem mun flytja íslensk þjóðlög fyrir tónleikagesti og með í för eru sjaldséð gömul íslensk hljóðfæri svo sem symfón, langspil, saltari og bumba.

Næstkomandi sunnudag, þann 13.júlí kl.17:00, verða haldnir aðrir tónleikar í tónleikaröðinni Sumartónleikar í Akureyrarkirkju og mun orgelleikarinn Bine Katrine Bryndorf leika á tónleikunum.

Tónleikaröðin Sumartónleikar í Akureyrarkirkju hefst næstkomandi sunnudag og verða tónleikarnir í kirkjunni alla sunnudaga í júlí og hefjast kl.17.00.Að vanda er dagskráin fjölbreytt og ættu flestir að finna eitthvað við sitt hæfi.

Þessa dagana stendur yfir vinaheimsókn frá Bochum í Þýskalandi, 22 ungmenni eru hér í heimsókn hjá Æskulýðsfélagi Akureyrarkirkju, ásamt presti sínum sr.Ortwin Pfläging.