Síðasta sunnudag var súpusala í Safnaðarheimili Akureyrarkirkju.
Sr. Svavar Alfreð Jónsson eldaði og seldi fiskisúpu sína sem vann fyrstu verðlaun á matarsýningunni Matur-inn fyrr í mánuðinum.
Öll innkoman, um 120.000 krónur, rennur óskipt í söfnun Þjóðkirkjunnar fyrir línuhraðli á Landspítalanum.
Við þökkum þeim sem komu og fengu sér súpu með okkur, hjálparkokkunum öllum og fyrirtækjunum sem gáfu allt hráefnið til
súpugerðarinnar.
Fyrirtækin eru Hnýfill, Samherji, Mjólkursamlagið, Samkaup-Úrval Hrísalundi og Brauðgerð Kristjáns.
Við minnum á að söfnunin stendur enn. Hægt er að leggja inn á söfnunarreikning 0301-26-050082, kt. 460169-6909. Einnig er hægt að hringja í
söfnunarsíma:
§ 904-1000 til að gefa 1000 krónur
§ 904-3000 til að gefa 3000 krónur
§ 904-5000 til að gefa 5000 krónur
Hér má síðan finna uppskriftina góðu: Sigursúpa séra Svavars.