Tónleikar Kórs Akraneskirkju

Kór Akraneskirkju flytur sálumessuna Eternal Light eftir enska tónskáldið Howard Goodall í Akureyrarkirkju laugardaginn 11. október
kl. 16.00. Á efnisskránni er einnig önnur tónlist sem tónar við þessa fallegu sálumessu. M.a. má heyra hið frábæra sænska lag Koppången eftir Per-Erik Moraeus, Skýið hans Vilhjálms og Hugarheim Iðunnar Steinsdóttur og E. Morricone.

Einsöngvarar á tónleikunum eru þau Björg Þórhallsdóttir sópran, Einar Clausen tenór og Michael Jón Clarke baríton. Um hljóðfæraleik sjá þau Birgir Þórisson sem leikur á orgel, Viðar Guðmundsson píanóleikari, Kristín Sigurjónsdóttir fiðluleikari, Jón Rafnsson kontrabassaleikari og Sophie Schoonjans hörpuleikari. Stjórnandi er Sveinn Arnar Sæmundsson. 
Aðgangseyrir er kr. 2.500