Akureyrarkirkja í
samstarfi við Eyjafjarðar- og Þingeyjarprófastdæmi auglýsir laust til umsóknar
starf æskulýðsfulltrúa.
Um er að ræða 100% stöðu
sem veitist frá 1. ágúst 2018.
Æskulýðsfulltrúi skipuleggur og annast barna- og æskulýðsstarf Akureyrarkirkju auk þess að efla samskipti og samstarf í æskulýðsstarfi á starfssvæðinu og styðja við það.
Jákvætt viðhorf til kirkjustarfs er forsenda fyrir velgengni í starfinu. Sköpunargleði, frumkvæði og yfirburða hæfni í samskiptum eru lykilkostir æskulýðsfulltrúa.
Umsækjendur skulu hafa menntun og/eða reynslu sem nýtist í starfinu.
Nánari starfslýsing er á heimasíðu Akureyrarkirkju, www.akirkja.is
Umsækjendur skulu tilgreina tvo meðmælendur og umsóknir sendar í tölvupósti til ritara Akureyrarkirkju á netfangið gyda@akirkja.is. Upplýsingar um starfið má ennfremur fá á skrifstofu kirkjunnar eða í síma 462-7700 milli kl. 9.00 og 13.00 virka daga.
Umsóknarfrestur er til og með 13. maí 2018.