17.07.2008
Séra Birgir Snæbjörnsson, fyrrverandi sóknarprestur í Akureyrarkirkju, lést á Fjórðungssjúkrahúsinu á Akureyri 17.
júlí. Birgir var fæddur á Akureyri 20. ágúst 1929. Hann lauk stúdentsprófi frá MA 1949 og embættisprófi í
guðfræði árið 1953. Prestvígslu hlaut Birgir 15. febrúar 1953 og vígðist til Æsustaðaprestakalls í
Húnavatnssýslu. Þar þjónaði hann til ársins 1959 og var þá veittur Laufás við Eyjafjörð. Séra Birgir
var skipaður sóknarprestur í Akureyrarprestakalli haustið 1960 og þjónaði þar til ársins 1999. Þá gegndi sr. Birgir
embætti prófasts Eyjafjarðar á árunum 1986-1999. Auk þess sinnti séra Birgir margvíslegum trúnaðarstörfum í
þágu kirkju og samfélags í gegnum árin. Eftirlifandi eiginkona séra Birgis er Sumarrós Lillian Eyfjörð Garðarsdóttir.
Börn þeirra eru Jóhanna Erla og Birgir Snæbjörn.