Fermingarbörn safna fyrir hjálparstarfið

Í dag, 6. nóvember, munu fermingarbörn um allt land ganga í hús með söfnunarbauka fyrir Hjálparstarf kirkjunnar.  Að þessu sinni beinist aðstoðin til bágstaddra í Úganda.  Fermingarbörnin fá fræðslu um ástandið þar í máli og myndum.  Síðan fara þau í hús, tvö og tvö, saman með baukana og biðja um stuðning til Hjálparstarfsins.  Tökum vel á móti fermingarbörnunum í dag!