Eldri barnakór og forsetarnir

Það gefst ekki oft tækifæri til að syngja fyrir tvo forseta í einu.

Sl. föstudag söng Eldri barnakór Akureyrarkirkju nokkur lög fyrir málþingsgesti í Háskólanum á Akureyri. Tilefnið var að frú Vigdís Finnbogadóttir var sæmd heiðursdoktorsnafnbót við heilbrigðisvísindasvið Háskólans á Akureyri. Krakkarnir stóðu sig með prýði enda með úrvals áheyrendur og öll skipulagning til fyrirmyndar. Við erum mjög þakklát fyrir að hafa fengið að taka þátt í þessum gleðidegi.