6400 manns í kirkju í desember

Óvenju mikið fjölmenni heimsótti Akureyrarkirkju nú í desember.  Hátt á fjórða þúsund manns tók þátt í hefðbundnu helgihaldi kirkjunnar á aðventu og um jól.  Við skírnir, hjónavígslur og útfarir í desember voru ríflega 2500 manns og við bætast svo heimsóknir leikskóla- og grunnskólabarna en þær töldu alls 700 nemendur.  Þá eru ótaldar samverur í Safnaðarheimili kirkjunnar en að þeim meðtöldum má ætla að um tíuþúsund manns hafi heimsótt Akureyrarkirkju í desember.  Það má því með sanni segja að Akureyringar hafi tekið fjölbreyttu og lifandi helgihaldi kirkjunnar fagnandi.  Stemningin og allar heimsóknirnar segja allt sem segja þarf!