Sumartónleikar í Akureyrarkirkju kl. 17.00

Hressandi og skemmtilegir söngleikjatónleikar þar sem Jónína Björt Gunnarsdóttir, Ívar Helgason og Helena G. Bjarnadóttir fara yfir sögu söngleikjanna. Stuttlega verður sagt frá verkunum og þróun söngleikjanna og sungið allt frá klassík yfir í rokk. Á efnisskránni verður t.d. tónlist úr West side story, Cats, Waitress svo eitthvað sé nefnt. Öll munu þau sjá um söng en Helena verður á píanó og Ívar á gítar.
 
Aðgangseyrir á tónleikana er ókeypis og allir hjartanlega velkomnir.