Akureyrarkirkja

Vefur Akureyrarkirkju

Vinaheimsóknir

Á vegum Eyjafjarðarprófastsdæmis hefur verið boðið upp á vinaheimsóknir til aldraðra undanfarin ár.  Þetta starf lætur ekki mikið yfir sér en er smátt og smátt að eflast og aukast.  Það er verið að reyna að rjúfa einangrun fólks og koma til móts við einstaklinga sem hafa lítil tök á því að fara út á meðal fólks, en vilja gjarnan fá einhvern í heimsókn úr nágreninu.  Sjálfboðaliðarnir sem að þessu starfa taka gjarnan að sér vissan einstakling og það verður samkomulagsatriði þeirra á milli hve oft er komið og hvað er gert, hvort farið er út að ganga, lesið eða bara rabbað saman.  Í heimahúsum og á dvalarheimilum hafa slíkar heimsóknir verið þegnar og tengsl myndast sem báðir aðilar hafa haft ánægju af.  Þeir sem vilja vita meira um þessa starfsemi geta haft samband við umsjónarmann Vinaheimsóknanna, sr. Sunnu Dóru Möller, í síma 694-2805 eða á netfangið sunnadora@akirkja.is 


Framsetning efnis

moya - Útgáfa 1.12 2007 - Stefna ehf

Innskráning