Akureyrarkirkja

Vefur Akureyrarkirkju

Helgihald

Sunnudagaskólinn
Sunnudagaskóli Akureyrarkirkju er alla sunnudaga yfir veturinn í Safnaðarheimili Akureyrarkirkju kl. 11.00. Einn sunnudag í mánuði er svo fjölskyldumessa og er þá sunnudagaskólinn hluti af henni og fer messan fram í kirkjunni. Sunnudagaskólinn er uppbyggileg samvera fyrir foreldra, ömmur og afa, frænkur og frændur og börn á öllum aldri. Sagðar eru biblíusögur, brúðleikrit og mikill söngur og gleði.

Almennar guðsþjónustur
Hinar almennu sunnudagsguðsþjónustur eru yfirleitt kl. 11:00, en á sumrin er kvöldmessa af og til. Félagar úr Kór Akureyrarkirkju syngja í messunum og leiða almennan söng. Stundum syngur kórinn allur fyrir okkur.

Kyrrðar- og fyrirbænastundir
Kyrrðar- og fyrirbænastundir fara fram í hádeginu á fimmtudögum í kirkjunni eða kapellu. Stundirnar hefjast með oregelleik kl. 12:00 og þeim lýkur fyrir kl. 12:30. Fyrirbænaefni eru skráð í sérstaka bók og má koma þeim til presta. Eftir stundina er unnt að kaupa sér einfalda máltíð í Safnaðarheimilinu. Kyrrðar- og fyrirbænastundirnar eru í viku hverri og er miðað við að fólk geti verið mætt til vinnu sinnar eigi síðar en kl. 13:00.

Morgunsöngur
Morgunsöngurinn fer fram í kapellunni hvern þriðjudag kl. 9:00. Þetta eru mjög einfaldar samverur sem samanstanda af sálmasöng, ritningarlestri, víxllestri úr Davíðssálmum og bænagjörð. Allir eru velkomnir í morgunsöng! Morgunsöngnum lýkur um kl. 9:15.

Æðruleysismessur
Æðruleysismessurnar draga heiti sitt af æðruleysisbæninni, sem margir þekkja. Æðruleysismessurnar eru á kvöldin yfir vetrartímann. Allir eru hjartanlega velkomnir! Eftir messurnar er heitt á könnunni í Safnaðarheimilinu.

Framsetning efnis

moya - Útgáfa 1.12 2007 - Stefna ehf

Innskrßning